Os servizos sanitarios só puideron confirmar o seu falecemento.
Un particular alertou ao 112 Galicia dez minutos antes das 17 horas, e indicou que observaba o corpo dunha persoa aboiando no mar na zona da praia do Facho, en Castrelo. Na mesma chamada precisou que podía ser rescatado desde a beira, sen resultar necesarios medios acuáticos.
De inmediato, os xestores do 112 Galicia puxeron os feitos en coñecemento de Urxencias Sanitarias de Galicia-061, Salvamento Marítimo, do Servizo de Gardacostas de Galicia, da Garda Civil, da Policía Local e de Protección Civil de Cambados.
Unha vez no lugar, os servizos de emerxencias recuperaron o corpo da muller e, nestes momentos, as forzas da orde traballan para esclarecer os feitos.
