Renovarase o pavimento no interior do rural de Chousa, O Corral de Arriba e O Corral de Abaixo, na parroquia de San Xoán de Camboño, mellorando os acabados, renovando a canalización da augas pluviais e Instalando tubaxe para o futuro servizo de auga potable.
A Consellería de Vivenda e Planificación de Infraestruturas vén de licitar por 342.192 euros as obras para a mellora do espazo público viario do núcleo de Camboño, no concello de Lousame.
A Plataforma de Contratos Públicos de Galicia recolle esta licitación, establecendo un prazo de presentación de ofertas que finaliza o vindeiro día 29 de outubro.
A través deste contrato, ao abeiro do chamado Plan Hurbe impulsado pola Xunta co fin de axudar ás administracións locais a financiar diferentes tipos de intervencións urbanísticas, executaranse a pavimentación deste núcleo de poboación, que inclúen actuacións encamiñadas á mellora estética e funcional deste espazo público empregado a día de hoxe como viario e zona de esparexemento cotiá dos veciños do municipio.
Na actualidade o interior do núcleo rural de Chousa, O Corral de Arriba e O Corral de Abaixo, pertencente á parroquia de San Xoán de Camboño neste municipio coruñés, presenta un pavimento de formigón moi deteriorado debido ó paso do tempo e á realización de diferentes reposicións.
A intervención obxecto de licitación consiste en executar os traballos necesarios neste espazo público viario do núcleo rural, nos que se inclúen a substitución do seu pavimento coa mellora dos acabados e do seu aspecto, e a renovación da canalización para a recollida da augas pluviais, a Instalación de tubaxe para o futuro servizo de auga potable.
As obras, incluirá ademais a Instalación de iluminación publica e o soterramento das redes de baixa tensión e telecomunicacións existentes na actualidade no ámbito de actuación.
Estas actuacións enmárcanse nun convenio de colaboración asinado recentemente entre a Xunta, que asumirá o 70% do orzamento desta intervención; e o Concello de Lousame, que achegará o 30% restante, acadando as intervención un investimento global de case 385.000 euros.
