O Concello de Boiro comezou esta semana a segunda pasada dos desbroces que se realizan dúas veces ao ano. A concelleira de Medio Ambiente, Olga González, e o concelleiro de Medio Rural, Francisco Bermúdez, supervisaron esta mañá o resultado dos traballos no lugar de Aruxo, en Bealo.
Os traballos realízanse de xeito prioritario naqueles lugares nos que pode existir un perigo por motivos de visibilidade dos condutores ou os peóns, así como para a prevención de lumes. As tarefas de desbroce
realízanse en vías, pistas e camiños de titularidade municipal, tanto de xeito mecánico como manual para adaptarse ás necesidades e características propias de cada espazo.
