A Xunta limita a extracción de bivalvo en Cabío e Bohído e incrementa o tope de ameixa babosa a 3,5 quilos

16 Outubro 2024

A directora xeral de Desenvolvemento Pesqueiro, Marta Villaverde, mantivo un novo encontro con representantes das confrarías da ría de Arousa para avaliar os primeiros 15 días de campaña de libre marisqueo na ría de Arousa, cumprindo así o acordado na última reunión o pasado 25 de setembro. Na xuntanza sinalouse que os datos de capturas rexistradas nestas primeiras semanas confirmaron as previsións das mostraxes realizadas no mes de setembro polos técnicos do Centro de Investigación Mariñas (CIMA), dependente da Consellería do Mar. Así decidiuse non realizar a actividade extractiva nestes bancos os venres co obxectivo de mellorar os prezos de mercado e, para compensar esta medida, acordouse un incremento do tope por tripulante de ameixa babosa no banco marisqueiro de Bohído ata os 3,5 quilos diarios.

Na xuntanza, enmarcada no modelo de cogobernanza coa que a Xunta aborda a xestión pesqueira en Galicia, ademais de representantes de confrarías da Ría tamén participaron as direccións territoriais de Pontevedra e A Coruña da Consellería do Mar, membros de Gardacostas e persoal do equipo do CIMA responsable dos traballos de mostraxe. Alí tamén se acordou dar por finalizada a actividade marisqueira no banco de Os Lombos do Ulla, dado o baixo stock de talla comercial, e en manter o resto de topes nas distintas especies por tripulante e día nos bancos de Bohído e Cabío segundo a resolución vixente, coa excepción da babosa en O Bohído anteriormente sinalada. 

Outros artigos

O filme documental 360 curvas proxéctase este domingo en Boiro

O Ciclo de Cine Mestre Mateo, impulsado nos concellos pola Academia Galega do Audiovisual, volveu poñer o foco en Boiro para dar coñecer ao público a rica colleita cinematográfica galega deste último ano. Sen ir máis lonxe, este domingo 18 de outubro proxectarase no...

+

Publicidade

Revista en papel

Opinión

“Juan Magán” – Xulio Xiz

“Juan Magán” – Xulio Xiz

Estes días, Merce e máis eu, mergullámonos cada día no multitudinario ambiente festeiro, disfrutamos coa venerable presencia de Celtas Cortos e ousamos asistir ao concerto de Juan Magán. Con relativo coñecemento do actual mundo musical, que navega de Camilo a India,...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.