A Asociación Veciños Araño, coa colaboración do Concello de Rianxo, organiza este sábado 19 de outubro a terceira edición da Muiñada no Té, unha xornada para coñecer e reivindicar parte da patrimonio etnográfico, histórico e cultural da parroquia rianxeira.
A actividade dará comezo ás 10:30 nos muíños do Cubo (A Ermida), para logo seguir até os muíños de Quintáns, da Veiga e dos Lemos.
As persoas participantes poderán coñecer non só os muíños á beira do Te, senón tamén o seu funcionamento (haberá moenda).
A vertente musical desta xornada cultural, natural e festiva comezará da man de Aires do Arghaso.
Tamén haberá xogos tradicionais para a rapazada. Ás 13.00 horas haberá unha sesión vermú no muíño dos Lemos, a cargo de Rukan Rockblues. Tamén se ofrecerán petiscos. Organiza a Asociación de Veciños do Araño co patrocinio da Deputación da Coruña e a colaboración do Concello de Rianxo.
