A toxina obrigou a pechar a ría de Muros e Noia ao marisqueo só catro días despois de botar a andar a campaña.
Recibiron a nova o xoves ás 20:00 horas logo dunha boa xornada de traballo. Agora, os 7.500 quilos de berberecho que venderon ese día van ter que os recoller e destruír.
Ademais, están pendentes das contraanálises da ameixa xapónica para saber se teñen que desbotar tamén a cantidade recollida.
Para evitar máis perdas, reclámanlle a INTECMAR que faga máis probas, dúas horas antes de saír ao mar, para saber se os moluscos teñen toxina no momento da extracción.
A curto prazo, agardan que a vindeira semana haxa dúas análises negativas para poder saír traballar e recuperar algo a campaña.
