Foi a única persoa afectada. Arredor das 10:30 horas desta mañá, o 112 Galicia recibiu o aviso dun particular por un incendio na rúa do Outeiro Baixo, na parroquia de Noal. Segundo indicou o alertador, estaba a arder un garaxe, situado a carón dunha casa, con leña e varios bens no seu interior e sen que houbese afectados polo momento.
Decontado, os xestores do 112 Galicia informaron aos Bombeiros de Boiro, ao GES de Noia, á Policía Local, á Garda Civil e á Agrupación de Voluntarios de Protección Civil de Porto do Son.
Xa desde a zona, os servizos de emerxencias indicaron que o lume fora apagado polos veciños do lugar facendo uso dunha mangueira. Chegou a arder unha cociña que había no garaxe, ao igual que uns estantes.
Ademais, os axentes da Policía Local sinalaron que unha persoa vírase afectada ao inhalar fume do incendio, polo que desde o 112 Galicia pasouse ao aviso ao Servizo de Urxencias Sanitarias de Galicia-061, que trasladaron á persoa ata o Centro de Saúde de Noia.
