O Concello de Ribeira prosegue realizando tarefas de mantemento e adecuación de servizos veciñanza. Esta semana remataron dúas actuacións programadas na parroquia de Aguiño, unha foi o remate da ponte do río Listres e a segunda foi a nova localización da parada de autobuses.
O concelleiro de Obras, Xabier Vidal sinalou que a ponte do río Listres “era unha ponte que levaba anos sen mantemento e estaba moi deteriorada, polo cal decidimos facer unha actuación estrutural e integral consistente nunha base de bigas de formigón para facer a estrutura máis sólida e simplificar o mantemento”.
Segundo o concelleiro, a ponte fíxose en madeira para integrala na contorna e tamén informou que “seguimos mellorando o mantemento tanto no centro de Ribeira como nas parroquias a través da brigada municipal e agradecemos o seu traballo e dedicación así como a comprensión da veciñanza”.
Pola outra banda Fernando Abraldes informou que tal e como estaba previsto para o comezo do novo curso lectivo, recolocouse a parada de autobús a un novo espazo estratéxico para a comodidade da veciñanza de Aguiño por mor do novo estado de peonil da anterior.
