O vindeiro venres, 6 de setembro temos en Porto do Son unha cita para despedir o verán ao grande: a Festa das Cores, que se celebra na fachada marítima da vila sonense a partir das 19:00 horas. Será unha festa princpialmente orientada á rapazada, con diversas actividades de lecer e creativas para nenas e nenos, sobre todo no seu primeiro treito.
A partir das 22.00 horas comezará a música da man de diferentes picadiscos (Chocolate Disco Móbil) da nosa comarca e da xeografía galega, como Kike Varela Regueiro, Mateo Abelleira ou DJ Manutcho. O programa das Festa das Cores de Porto do Son complétase coa actuación estelar do grupo local Flow del Norte. Organizan o Club Náutico de Porto do Son e o Porto do Son Club de Fútbol, cola colaboración do Concello.
