O Concello de Outes presentou o programa de actividades de lecer e creativas que se impartirán en distintos centros sociais entre os meses de outubro e xaneiro, ambos incluídos. As inscricións serán a partir do 12 de setembro. A folla de inscrición pode descargarse da páxina web do Concello: www.outes.gal. A axenda de obradoiros pon o foco nas actividades saudábeis, deportivas e de enriquecemento persoal, como os talleres de bailoterapia, ioga, memoria ou ximnasia terapéutica. Tamén haberá obradoiros creativos, por exemplo os de cestería, vainica e bordado, gancho e corte e confección. Desenvolveranse nos centros sociais da Serra, de Pontenafonso, de Cando, de Vila do Monte, de San Lourenzo, de Cruceiro de Roo e de Sas Cosme.
