O grupo do Partido Popular de Ribeira, a través da súa concelleira Juana M. Brión Santamaría, presentou para ser debatido no pleno da Corporación un rogo relativo á posibilidade do cambio da marquesiña no porto de Aguiño. Explican no seu comunicado que “como é sabido o porto está sendo remodelado, e os autobuses, tanto urbanos como en datas vindeiras os dos colexios, xa non fan parada onde o viñan facendo decote,, a carón do Bar Illa de Monteagudo, polo cal esa marquesiña agora está inutilizada como parada e dá lugar a erros na espera do transporte público, xa que os usuarios deben agardar onde agora os buses se deteñen (que é fronte á sede do Clube de Remo), a intemperie e sufrindo os usuarios do transporte público as inclemencias do tempo”.
A través deste rogo, o grupo reclama que “á maior brevidade, e para paliar esa necesidade, sexa retirada a antiga marquesiña e se instale unha nova, na nova parada para así evitar erros de espera os usuarios do transporte público”. Tamén reclama que “xa que onde agora os autobuses fan parada é nunha zona cunhas vistas excepcionais do porto, que a nova marquesiña sexa transparente para maior integración no entorno”. Amais, reclaman que “sexan revisadas as restantes marquesiñas das parroquias e se reparen as que teñan desperfectos, xa que algunhas delas incluso están sen os dous laterais”.
