O salón de plenos do Concello da Pobra do Caramiñal acolleu na xornada do 12 de setembro, a partir das 20.30 horas, a sesión extraordinaria do pleno da Corporación. Entre outros acordos, destacar que foi aprobada por unanimidade a proposta para participar na segunda fase do POS+Adicional da Deputación da Coruña, Na primeira fase, como lembraremos, destináronse os fondos provinciais ao financiamento de gasto corrente, ao investimento en cinco proxectos (accesibilidade e seguridade nos Areos, accesibilidade e melloras na Praza de Abastos, acondicionamento e accesibilidade paso da praia da Lombiña ao Campo da Alta, saneamento en Ouxo e pavimentado de vías na Tomada) e sufragar os gastos sociais extraordinarios.
A orde do día foi a que figura a seguir:
–Proposta de Alcaldía para participar na segunda fase do Plan Provincial de Cooperación ás Obras e Servizos de Competencia Municipal (Plan Único de Concellos) “POS+Adicional 2/2024” da Deputación Provincial da Coruña. Aprobada por unanimidade.
–Proposta de Alcaldía recurso de reposición-votación pleno 1 agosto 2024. Aprobada por unanimidade.
–Proposta de Alcaldía delegación de competencias para a xestión recadatoria na Deputación Provincial da Coruña. Aprobada con 7 votos a favor (Nós Pobra, BNG, PSdeG-PSOE e VIxP) e 6 en contra (PP).
Ao igual ca o resto, a sesión está dispoñíbel na canle do Youtube do Concello da Pobra do Caramiñal.
