O Plan de Mobilidade do Centro Dramático Galego, no marco das actividades do 40 aniversario do CDG, convidou de novo ao público de Ribeira a ir a Santiago a unha das súas máis recentes funcións: o espectáculo Terceiro acto. Será o vindeiro sábado 5 de outubro e as persoas interesadas xa poden formalizar a súa reserva.
Sinopse
Unha troupe de actrices e actores veteranos reúnese clandestinamente pola noite para emprenderen a que quizais sexa a súa última aventura xuntos. Nesta noite revivirán o que non volverá para entender, para modificar, para se reconciliaren co que xa non está, ao tempo que reflexionan sobre o terceiro acto das súas vidas. Xuntos, analizarán o seu legado e proxectaranse tamén no futuro incerto para falar sobre a vellez, a morte, os seus anhelos e desexos para esta nova etapa da vida. Terceiro acto é unha peza á vez cómica, sombría e fermosa. Un poema escénico sobre a memoria e os soños; un exorcismo, unha celebración da vida e do teatro.
Terceiro acto. CDG
Prezo da entrada e o autobús: 5 € por persoa
Data: 5 de outubro, sábado
Hora de saída desde Ribeira: 16.00 h
Lugar da representación: Salón Teatro de Santiago
Reservas: no teléfono 981835650 (de luns a venres de 9 a 14 h) e no correo normalizacion@ribeira.gal
