Máis de 150 persoas desfrutaron do XVI Certame de Bandas de Música Populares do Concello de Lousame

02 Setembro 2024

Algo máis de 150 persoas déronse cita na tarde de onte domingo no campo da festa de San Roquiño (Tállara, Lousame) para desfrutaren da tradicional homenaxe a Prudencio Romo, “unha institución da música galega e a figura máis senlleira e relevante da nosa banda de música”, apuntou a concelleira de Cultura, Silvia Agrafojo, durante a apertura do Certame de Bandas de Músicas Populares.

“Prudencio deixou un legado xeneroso en forma de composicións e na formación de moitos músicos. Un traballo que quedará para sempre con nós”, lembrou a concelleira lousamiá, quen tamén agradeceu o traballo da Asociación Cultural Prudencio Romo, así como á familia do músico e a todas as veciñas e veciñas que colaboraron ou asistiron a este evento. Unha actividade á que tamén asistiron a concelleira de Deportes, Mariel Agrafojo; e o concelleiro de Obras, Ramón Martínez.

A décimo sexta edición do Certame de Bandas de Músicas Populares reuniu este ano á Banda de Música Municipal de Padrón e á Banda de Música de Lousame, que durante un par de horas encheron de música o campo da festa de San Roquiño. Como adoita ser habitual, a banda convidada interpretou un repertorio máis serio, con pezas como La leyenda del beso ou Sinfonía Romaría, mentres que a banda local optou por bandas sonoras, como O príncipe de Exipto ou Como adestrar ou teu dragón, e compilacións de grupos como Coldplay.

O Certame de Bandas de Músicas Populares de Lousame está organizado pola Asociación Cultural Prudencio Romo, en colaboración co Concello de Lousame e a Deputación da Coruña.

Outros artigos

O PSOE de Ribeira acusa ao Executivo local de “falta de propostas”

O PSOE de Ribeira tamén fixo balance do ano de Goberno do PP e PBBI logo da moción de censura consumada en outubro do ano pasado. No seu balance afirmou que a alcaldesa, coincidindo co primeiro aniversario da moción de censura, "segue sen ofrecer solucións á fronte da...

+

Publicidade

Revista en papel

Opinión

“Cuando la huelga cambia de destinatario”. José Castro López

“Cuando la huelga cambia de destinatario”. José Castro López

Vaya por delante que la huelga es una conquista consagrada que tienen los trabajadorespara reivindicar y defender sus derechos. De hecho, en lo que llevamos de democraciatodas las huelgas generales se convocaron por razones laborales contra las políticas delGobierno...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.