As forzas da orde investigan as circunstancias do suceso.
O 112 Galicia tivo constancia destes feitos ás 20 horas da tarde do luns, a través dos profesionais de Urxencias Sanitarias de Galicia-061: acababan de localizar o corpo dun home nunha canteira situada na parroquia da Peregrina, en Santiago.
Rapidamente, desde o Centro Integrado de Atención ás Emerxencias informouse aos axentes da Policía Nacional e Local e aos membros da Agrupación de Voluntarios de Protección Civil compostelá.
Cando chegaron ao punto, os servizos sanitarios só puideron confirmar o falecemento do implicado, que faltaba da súa casa desde o mediodía, tal e como informou un familiar ao 112 Galicia durante a tarde.
