O espectáculo infantil e familiar Facendo o Indio, da compañía Galitoon, chegará a Noia este sábado 21 de setembro. A función dará comezo ás 19:00 horas no Coliseo Noela.
Trátase dunha peza para crianzas maiores de 4 anos, dunha hora de duración, que a través dunha serie de divertidos ingredientes (música, teatro xestual, interacción directa co público) mergúllanos nas tradicións e na forma de vida ancestral dos indios americanos e dos seus coñecementos adquiridos tras xeracións. As entradas xa están á venda en ATaquilla.com e o día da función no portelo do teatro de 17:45 a 18:45.
