O Concello de Outes informou do inicio das obras para a rexeneración paisaxística, ambiental e litoral do parque de Vista Alegres. En termos concretos, estas obras consistirán no baleirado, a limpeza, o derribo e a renaturalización da contorna do estanque abandonado.
A actuación comprende tamén a eliminación de eucaliptos, a mellora de mobilidade (accesibilidade), os arranxos na contorna da pasarela e o parrado, a preinstalación eléctrica e a instalación dun novo miradoiro para a posta en valor da marea e a observación de aves.
O Concello sinala que o proxecto busca “sanear o parque, embelecer o litoral do municipio e poñer en valor o espazo protexido do esteiro do Tambre”.
Esta actuación enmárcase na mellora dos espazos urbanos ás beiras do río Tins.
A actuación está financiada nun 90% con fondos NEXT Generation a través da convocatoria da Xunta de Galicia de actuacións para o embelecemento do litoral. O orzamento base de licitación ascende a 84.706,70 € IVE incluído.
Fontes do Concello explicaron que exista a posibilidade de que “en diferentes momentos da execución de obra se proceda co peche temporal do parque para levar adiante as labores”.
