As catro heroínas do Titanic galego: a historia das mulleres que salvaron aos náufragos de Sálvora.
O diario dixital “publico.es” publica esta fin de semana unha reportaxe sobre o naufraxio do vapor-correo Santa Isabel e o papel das mulleres no rescate das vítimas do trasatlántico.
A madrugada do 2 de xaneiro de 1901 perderon a vida 213 persoas das 256 que viaxaban a bordo do Santa Isabel. Todos eles dirixíanse a Cádiz, onde se ían a embarcar nun transoceánico con destino a América Latina.
Así empeza o artigo do dixital redactado pola xornalista, Laura Anido, quen contou coa colaboración de Xosé María Fernández Pazos, historiador, cronista oficial de Ribeira e autor da obra “Salvora, memoria dun naufraxio. A traxedia do Santa Isabel”, publicada en 1998 e que nos próximos días sairá na súa terceira edición.
