As escolas deportivas da Pobra contarán con dezanove disciplinas no curso 2024-2025

23 Setembro 2024

A actividade deportiva seguirá a pleno rendemento na Pobra logo da tempada estival. Haberá competicións e, por suposto, un amplo programa de escolas deportivas que se reactivan no mes de outubro cun total de dezanove disciplinas para o curso 2024-2025.

“Despedimos o verán, pero non a actividade física. A Concellaría dos Deportes da Pobra do Caramiñal ten un firme compromiso co fomento da práctica deportiva e un estilo de vida saudábel entre a veciñanza. Por iso, traemos as escolas deportivas municipais cunha variada e atractiva oferta para tódolos rangos de idade. E contamos novamente coa colaboración dos nosos clubs. Xa constatamos moi boa acollida destas clases dende o momento da apertura do prazo de preinscrición a mediados da semana pasada”, explicou este 23 de setembro, na presentación das escolas, o concelleiro dos Deportes, Eloy Sobrido.

Con relación a isto último tamén se pronuncia a técnica municipal dos Deportes, Ana Romero, ao precisar que xa hai moitas prazas cubertas.

A área municipal dos Deportes xestiona directamente a educación física base-predeporte e o fútbol sala mixto para a rapazada. Coa participación de irmas e irmáns administraráselle un desconto do 50% ó/á segundo/a e será de balde para o/a terceiro/a.

Para as persoas adultas ofértase ximnasia de mantemento, pilates, camiñadas + estiramentos, camiñadas para maiores, ximnasia para maiores e baile, salsa e ritmo latino. Para este tramo de idade tamén se aplicará unha dedución: anotándose en pilates e outra actividade, o prezo bimensual será de 80 euros e, a terceira, gratuíta.

Coa implicación das entidades deportivas locais, a rapazada poderá practicar tamén artes marciais, atletismo, baloncesto, fútbol, patinaxe artística, remo, tenis, tenis de mesa, xadrez, xogos de mesa e tiro co arco.

O formulario para a participación deberase entregar cuberto no rexistro xeral de entrada do Concello ou a través da sede electrónica municipal. O pagamento efectuarase unha vez confirmada a matrícula.

Outros artigos

O PSOE de Ribeira acusa ao Executivo local de “falta de propostas”

O PSOE de Ribeira tamén fixo balance do ano de Goberno do PP e PBBI logo da moción de censura consumada en outubro do ano pasado. No seu balance afirmou que a alcaldesa, coincidindo co primeiro aniversario da moción de censura, "segue sen ofrecer solucións á fronte da...

+

Publicidade

Revista en papel

Opinión

“Cuando la huelga cambia de destinatario”. José Castro López

“Cuando la huelga cambia de destinatario”. José Castro López

Vaya por delante que la huelga es una conquista consagrada que tienen los trabajadorespara reivindicar y defender sus derechos. De hecho, en lo que llevamos de democraciatodas las huelgas generales se convocaron por razones laborales contra las políticas delGobierno...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.