A Concellaría de Deportes e Promoción da Saúde de Ames, dentro do programa municipal de Andainas Saudábeis, organiza un percorrido pola oitava etapa do Camiño de Santiago dende o Barbanza, A Orixe. A ruta realizarase o sábado 28 de setembro. Os participantes camiñarán arredor de 15 quilómetros, partindo desde o Lugar de Tallós, en Dodro, e chegando ata A Picaraña. Os interesados en participar poden inscribirse cubrindo o formulario habilitado ata o xoves 26 de setembro. Haberá servizo de autobuses con saída dende a praza do Concello, en Bertamiráns, ás 9:00 horas; e dende a Casa da Cultura do Milladoiro ás 9:15 horas. Recoméndase levar roupa e calzado axeitados. Hai 70 prazas dispoñíbeis.
