Accidente de tráfico con catro persoas feridas na AC-550, no punto quilométrico 63, en Outes
Os bombeiros do parque Comarcal Provincial de Boiro foron alertadas esta tarde dun accidente de tráfico na AC-550, no punto quilométrico 63, en Outes. No accidente, no que se viron involucrados dous vehículos, resultaron feridas catro persoas, dous adultos e dous bebés. Á súa chegada ao lugar do incidente os bombeiros axudaron ao persoal médico na atención sanitaria aos feridos e iluminaron a zona para facer máis seguro o punto do incidente.
Finalmente, un dos adultos feridos foi trasladado ao Hospital Clínico de Santiago de Compostela mentres que o outro adulto e os dous bebés foron dados de alta no mesmo punto polos servizos médicos.
Completaron o operativo a Garda Civil, médicos do PAC de Noia e o GES de Noia.
