Este outono será unha estación de grandes acontecementos deportivos na contorna do Barbanza. Sen ir mis lonxe, o 12 de outubro disputarase a XIX Carreira Pedestre de Lestrobe (Dodro) cuxas inscricións, segundo confirmou o Concello, xa están abertas.
Dende o Consistorio tamén confirmaron que as persoas participantes das categorías de base terán distintos circuítos en función da súa idade. As categorías absolutas disputarán un percorrido de 10 quilómetros.
A novidade de esta edición será unha proba de 5 quilómetros tamén para as categorías absolutas.
Como dixemos, xa está aberto o prazo de inscrición. As persoas interesadas poden formalizala na páxina web das Carreiras Galegas con data límite o martes 8 de outubro de 2024 ás 23.59 h.
O sábado 12 de outubro darán comezo as actividades a partir das 11.00 h dende a rúa Fortunato Cruces (Lestrobe) baixo o control técnico do Comité Galego de Xuíces da FGA (Delegación de Santiago).
Esta carreira é unha proba oficial da FGA e pertence ó X Circuíto Provincial de Carreiras Populares organizado pola Deputación da Coruña.
