Co remate do verán e co inminente curso escolar ás portas, a Asociación de Empresarios de Ribeira puxo en marcha un sorteo-campaña dirixido a todos os clientes que fagan as súas compras nos establecementos asociados. O obxectivo fundamental desta nova iniciativa da patronal é incrementar as vendas e incentivas o consumo no pequeno comercio retallista e na hostalería de Ribeira. A promoción realizarase entre as compras e consumicións feitas desde o día 3 até o 30 de setembro. A forma de participar será mercando e consumindo en calquera establecemento asociado. Os clientes deberán rexistrar o seus tíckets de compra na páxina web da patronal ribeirense. O sorteo realizarase o martes 1 de outubro ás 13:00h no local da Asociación de Empresarios. En total, sortearanse 500 euros en vales de compra (dous vales de 100 euros e 6 vales de 50) e máis 15 lotes de material escolar. Esta campaña está financiada pola Xunta de Galicia.
