A Casa da Cultura de Boiro acolle durante o mes de setembro a exposición Juan da artista ribeirense Elena Fernández. A mostra ten como punto central (o fío condutor) oalzhéimer, que se conmemora o 21 de setembro. A exposición pictórica vai acompañada dunha narrativa na que o ciclo da existencia humana se ve fragmentado pola enfermidade do esquecemento. O alzhéimer, eixe da colección, guía as distintas fases da vida do protagonista da mostra conectándoas. Desta maneira a autora pretende a conexión entre o espectador e a súa obra mesturando a narrativa visual coa expresión literaria.
A mostra poderase visitar durante todo o mes de setembro na Casa da Cultura de Boiro, en horario de 8.30 a 15.45 horas ata o 15 de setembro e do 16 ao 30 de setembro tamén polas tardes en horario de 16.30 a 20.15 horas.
