A Asociación de Saúde Mental A Creba e o Concello de Ribeira impulsan o evento solidario Tolemias Hailas, que inclúe unha serie de conta contos e un concerto para este sábado 7 de setembro ás 12:30 h na praza da Porta do Sol.
A iniciativa da asociación ten como obxectivo dar a coñecer o traballo que desenvolven así como o de sensibilizar á veciñanza da problemática crecente que existe neste senso, o da saúde mental.
A Creba tamén busca “reivindicar tamén espazos de lecer na comunidade para todas as persoas, deixando de lado os estigmas relacionados coa saúde mental, poñendo en valor que os problemas relacionados con isto non afectan só a quen ten un diagnóstico psiquiátrico, senón que estas dificultades forman parte da vida de todas as persoas”.
O evento conta coa participación de Xanico e Jota como monologuistas e a colaboración especial de Cándido Pazó, haberán sorteos durante a xornada, venta de artesanía da entidade e poñerá o broche final o grupo The Orphans cunha actuación de versións baseadas no blues, rock e soul.
