A Banda de Música de Noia homenaxeou esta fin de semana a Manuel Pedrosa Mayo (Manolo o Corguiño), compañeiro da agrupación falecido o pasado 12 de setembro. Este sábado a Banda organizoulle un concerto de despedida, recordándoo da mellor maneira posíbel: cun emotivo concerto homenaxe. “Foi un compañeiro e músico excepcional que sempre permanecerá nos nosos corazóns”, sinalaron as e os integrantes da banda, salientando a “paixón e a entrega pola música de Manolo, que deixaron unha pegada inesquecibel en cada un de nós”. O concerto tivo lugar este sábado polo serán na rúa do Curro, no exterior do Coliseo Noela.
