A ABE agasalla 100 paraugas na campaña Puntazo Volta ao Cole

Coincidindo coa reactivación da tempada escolar, a patronal boirense (ABE) pon en marcha unha nova edición da campaña de promoción comercial denominada Puntazo Volta ao Cole, co obxectivo de premiar a fidelidade dos clientes dos negocios asociados.

O Puntazo ABE é unha iniciativa de dinamización comercial vinculada ao sistema de fidelización por puntos.

En concreto e grazas a esta campaña, a partir do 10 de setembro os clientes que conten con 100 puntos acumulados poden utilizalos para conseguir “un agasallo exclusivo”, en palabras da ABRE “un estupendo paraugas extra grande de 16 varas”.

Para participar os clientes deben subir os seus tíckets ou facturas á web da ABE e acumularán o 10% do importe en puntos ABE para cambiar por este premio especial do puntazo que se pode solicitar a partir do 10 de setembro ata esgotar existencias.

A solicitude realízase dende a propia web da ABE onde tamén se rexistran os puntos e consúltanse os premios.

Recordar que valen tíckets ou facturas de calquera negocio asociado.

Ademais do premio especial do Puntazo Volta ao Cole os puntos pódense trocar por vales de compra ou por calquera outro dos do catálogo.

Na web da ABE está tanto o catálogo como a aplicación para rexistrar os tíckets e o formulario para solicitar o cambio dos premios.

Esta campaña está cofinanciada pola Xunta de Galicia.