Unha persoa foi remolcada na súa embarcación tras verse en dificultades na Pobra do Caramiñal

22 Agosto 2024

O implicado resultou ileso e foi auxiliado por un pesqueiro, que o remolcou na súa embarcación ata terra.

Faltaban escasos minutos para as 16:30 cando os efectivos do Grupo de Emerxencias Municipal de Ribeira alertaron ao 112 Galicia de que había unha persoa que tiña dificultades para regresar á praia da Corna coa súa embarcación. Na zona sopraba vento forte, e cada vez atopábase a unha maior distancia da beira.

Con toda esta información, os xestores do 112 Galicia activaron un operativo para o que solicitaron a colaboración de Salvamento Marítimo, do Servizo de Gardacostas de Galicia, da Garda Civil e dos axentes da Policía Local da Pobra.

Estes últimos desprazáronse por terra ao lugar para comprobar a situación, coñecendo pouco despois o desenlace: un barco pesqueiro que navegaba pola zona remolcouno a terra.

Outros artigos

Publicidade

Revista en papel

Opinión

“Fallos de bondade”. José A. López Silva

“Fallos de bondade”. José A. López Silva

En maio de 2013, a Universidade de Syracuse, no estado de Nova York, encargoulle pronunciar o discurso para os seus graduados a un dos profesores do claustro, o escritor George Saunders, que catro anos despois gañaría o Booker británico con Lincoln en el Bardo, unha...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.