Juan Caballero.- Tras formalizar as inscricións os clubs náuticos que van tomar parte na XVIII Regata Gadis, que organiza o club náutico de Ribeira (Club Náutico Deportivo Riveira), un centenar de nenos e nenas sairán ás augas da ría de Arousa esta fin de semana, en dúas xornadas de competición con Top á primeira proba o sábado a partir da 14.30 h. e o domingo á 10.30 h.
A maioría da frota estará representada pola clase Optimist. A vela infantil será unha das principais protagonistas da Regata Gadis, poñendo especial atención aos barcos de escola, con nenas e nenos iniciados durante o transcurso deste verán nas diferentes academias de navegación das entidades galegas, sendo esta a súa estrea en competición.
Os xuvenís navegarán nos ILCA 4 e 6, máis veloces e con maior preparación para as estratexias de regata e forma física, ao ser o Láser un veleiro individual e cunha vela que porta bastante vento.
A praia de Coroso será o escenario elixido polo Comité da Regata Gadis, que preside o xuíz Miguel Cons, onde próximo aos seus areais montarase o campo entre boias, á vista desde o propio club de Ribeira e a mariña deportiva.
