O Real Club Náutico Portosín volveu a lucir as súas mellores galas como sede da próxima regata do Trofeo
Presidente Xunta de Galicia, cita velística enmarcada no Circuíto de Alto Nivel da Clase Cruceiro en Galicia e que este xoves presentouse no seu Salón Nobre, convertida na X/X edición do Trofeo Pitusa Sabín, a
XXXVI da Mar de Finisterre.
Por dereito propio gañouse o formar parte do Trofeo Xunta de Galicia , conxuntamente co Real Club Náutico da Coruña, o Club Náutico Ría de Ares, o Monte Real Club de Iates de Bayona e o Real Club Náutico de Sanxenxo.
Para facer o honras, o acto estivo conducido por Jorge Arán, presidente da entidade social e deportiva, acompañado de Carlos Lorenzo, concelleiro de deportes do Concello de Porto do Son; Fernando González, o seu Comodoro; así como Isaac Gaciño, Patrón Maior da Confraría de Pescadores de Portosín; Pepa Castro, Vicepresidenta; e Jesús Fernández, da Xunta Directiva.
“Grazas á xenerosidade de Pitusa e de Jacinto podemos xestionar, de maneira independente, esta regata que baixo o seu patrocinio cumpre xa dez edicións”, explicaba o presidente do Real de Portosín, Jorge Arán.
“Esta regata xa forma parte, por dereito propio, do Circuito de Alto Nivel máis importante de Galicia, que é o Trofeo Presidente Xunta de Galicia , tendo en conta que tamén é puntuable para a Copa de Galicia de Cruceiros”, valoraba o Comodoro González.
Un emocionado Jacinto Hernández e cun xesto de agarimo cara á súa muller, Pitusa, agradecía o empeño e esforzo que tanto o club, os seus traballadores, a Confraría de Pescadores e o Concello de Porto do Son “puxeron para poder organizar esta regata, sendo todo un orgullo o formar parte do Trofeo Presidente Xunta de Galicia”.
A primeira proba programada para o sábado 10 de agosto será un trazado costeiro de 40 millas náuticas, un 74 km. entre Portosín e a Enseada de Finisterre, de ida e volta, facendo paso intermedio polo Faro do Carrumeiro Mozo, moi próximo á boca de entrada da Ría de Corcubión.
Os máis pequenos realizarán un percorrido polo interior da Ría de Muros e Noia dunhas 10 millas, un 18 km., sendo, con toda probabilidade, a súa metade de percorrido unha boia fondeada nas inmediacións da Praia de Arnela.
O domingo día 11 o Comité da Regata ten programado celebrar dous bastóns ao vento, os clásicos barlovento-sotavento polo interior da Ría de Muros e Noia.
O bocinazo de saída, en ambos os días da fin de semana, están programados ás 12.00 horas do mediodía o sábado e ás 11 na xornada dominical. Estímase unha participación próxima ás 30 unidades entre os que
non faltarán os dous líderes do Trofeo Presidente Xunta de Galicia, o Mirfak, da Armada Española, patroneado por Diego López; e o Raygrass, de Tom Núñez, do Carrumeiro. Juan Caballero
