O parque da Cachada acolle o vindeiro sábado 17 de agosto a quinta edición da Romaría das Peñas que organiza Peñas Boiro AC e que conta coa colaboración do Concello de Boiro. A concelleira de Cultura, María Outeiral, acompañou na presentación do programa ao presidente da asociación, David Laíño, e Quin Riveiro, membro da directiva.
A V edición da Romaría das Peñas dará comezo ás 16.30 horas coa xuntanza das peñas e ás 17.00h darán comezo os xogos peñeiros; ás 17.30 horas haberá festa da espuma e ás 18.00h inchables para nenos e adultos.
Ás 19.00 horas terá lugar a festa holi e comezará a sesión musical a cargo a macro discoteca móbil Euphoria Disco Show con actuacións de Gainza, Zoe Rey, DJ Quin, Marcos Magán, Places e Goxi de Bao.
