O remeiro noiés Caetano Horta, e o catalán Dennis Carracedo, obtiveron este venres 2 de agosto un diploma olímpico nos Xogos de París tras rematar segundos na final B do dobre scull lixeiro de remo.
A saída, moi forte para Horta e Carracedo, foi un xeito de compensar a ausencia dos deportistas na gran regata final polas medallas. A enerxía inicial non os abandonou no transcurso da proba, e así, cruzaron o primeiro segmento dos 500 metros seguidos de preto dos remeiros franceses, a escasas 32 centésimas, e despois foron quen de ampliar as distancias. Horta e Carracedo chegaron ao treito final por diante de Francia e Bélxica, que loitaron polo segundo o posto.
A sorpresa veu ao remate, cando os franceses puideron adiantar aos remeiros representantes de España, quedaron finalmente segundos. Este foi o segundo diploma olímpico para o remeiro nado en Noia, xa que como lembraremos, conseguiu nos Xogos previos de Toquio o mesmo recoñecemento acompañado do tamén catalán Manel Balastegui.
