Este venres 23 de agosto clausúrase no Museo do Gravado de Artes (Ribeira) a exposición Doroteo Arnáiz. Ilustrador. A mostra pecharase cun concerto de Mateo Arnáiz (guitarrista, compositor e investigador musical) a partir das 20.30 h na sala 0 do Museo do Gravado. O recital desenvolverase baixo o epígrafe Estampas sonoras: fantasías, caprichos e poesías. Interpretará pezas de Sor, Tárrega e del mesmo (Tiempo de Tormenta, Namorados e 2 Wakas).
Mateo Arnáiz nace no ano 1982 en Madrid. Comeza os seus estudos de música no ano 1989 no Conservatorio Nacional Superior de música
de A Coruña, obtendo o título de profesor superior de Música no ano 2020 coa cualificación de sobresaínte e o Premio de Honra fin de Estudos Superiores. No 2001 instálase en París, estudando na École Normale Musique Alfred Cortot co mestre Alberto Ponce, obtendo o Diplôme Supérieur de Exécution no 2004.
No 2015 obtén o doutoramento en Investigación Psicolóxica en contextos Educativos pola Universidade de A Coruña coa cualificación de sobresaínte cum laude e a mención de Doutor Internacional pola Universidade de A Coruña, baixo a tutela dos directores, o dr. Manoel Baña e a dra. María del Mar Durán coa tese La interpretación musical y la ansiedad escénica:
validación de un instrumento de diagnóstico y su aplicación en los estudiantes españoles de Conservatorio Superior de Música.
Entre os anos 1996 e 2007 obtén diversos premios de guitarra en Francia e en España e a bolsa do Centre International Nadia et Lili Bou- langer (Fondation de Francia).
No ano 2005 grava o seu primeiro disco Preludios con obras de F. Tárrega, H. Villa-Lobos, L. Brouwer, entre outros. No ano 2006 Caprichos-Boleros-Fandangos cunha guitarra orixinal do século XIX (1820) e no ano 2009 o disco
Isaac Albéniz Suite española. No ano 2009 xunto a Javier Santaella Morales crea o dúo de
guitarras Axioma II e no ano 2011 gravan o disco Souvenirs de París con composicións
de Mateo Arnáiz. No ano 2011 funda o grupo de tangos EnClave xunto a Miguel Castro
(vibráfono) gravando en 2015 o disco Entre Tangos. No ano 2018 publica El sonido de
las emociones con composición propias para guitarra. No ano 2022 publica o seu segundo traballo con grupo EnClave chamado O noso tango.
A súa carreira profesional como intérprete lévao a actuar regularmente en países como Francia, España, Italia, Portugal, Polonia, Letonia e Arxelia. Tamén actúa en varias ocasión como so- lista xunto con Orquestras Sinfónicas.
Para vermos actuacións de Mateo Arnaiz podemos visitar a súa canle de Youtube.
