O Concello de Outes abriu o prazo de inscricións para o servizo de madrugadores relativo ao curso 2024-2025. Trátase dun recurso de conciliación, de acollida e de coidado, no que as/os menores poden almorzar. As familias deberán achegar os alimentos diariamente en termos ou envases adaptados a este fin.
Levarase a cabo durante todo período lectivo, en horario de 7:50 h da mañá ata o inicio das clases. As familias farán uso do mesmo, en función das súas necesidades de conciliación, pero deben incorporarse ó mesmo, como mínimo 30 minutos antes de comezar a xornada escolar.
O inicio da prestación do servizo será o primeiro día do calendario escolar 2024-2025, o 11 de setembro.
O servizo está destinado a nenas e nenos escolarizados no CEIP de Outes, de idades comprendidas entre os 3 e os 12 anos. Poderá ser utilizado de forma fixa ou ocasional. As prazas son limitadas.
Quen precise máis información tena na web municipal de Outes.
