O vindeiro 1 de setembro celebrarase a Copa do Concello de Porto de Son, o Memorial Emilio García, homenaxe deportiva ao que fora o fundador do equipo de fútbol da localidade sonense. Os partidos. un total de tres, desenvolveranse no Campo de Fútbol de Gourís. O primeiro dos encontros enfrontará ás 17.00 horas ao Porto do Son Club de Fútbol coa Sociedade Deportiva de Xuño. Ás 18.00 horas enfrontarase o perdedor do primeiro encontro coa Unión Deportiva Queiruga. O Memorial Emilio García rematará ás 19.00 horas e neste partido o UD Queiruga medirase co gañador do primeiro encontro.
