O vindeiro mes de setembro comezarán novamente as Rutas Rosalianas, unha oportunidade inmellorábel para coñecer in situ os lugares que marcaron a vida e obra de Rosalía de Castro. A iniciativa vén da man dos Concellos de Ames, Brión, Dodro e Padrón, e tamén da Fundación Casa de Rosalía de Castro que dirixe Anxo Angueira. A data clave será o 14 de setembro, día no que está previsto unha xornada “moi especial” que contará con visitas teatralizadas e un xantar libre en Padrón e que rematará no serán coa música de Manoele e Felisa (ás 19.00 horas, de acceso libre até completar a capacidade da igrexa de Santa María A Maior de Iria Flavia). As persoas que desexen participar deberán inscribirse antes do 10 de setembro. Haberá saídas en Bus dende Dodro, Padrón, Ames, Brión e Ames.
