A parroquia de Nebra, en Porto do Son, celebra esta semana as súas Festas á Nosa Señora. As celebracións concentraranse este xoves 15 e o venres 16 de agosto. Comezarán o xoves coas dianas e alboradas do grupo de pandeireteiras Falcoeira, e cunha misa solemne ás 13.00 horas seguida por unha mexillonada amenizada polo Dúo Aires de Broña. Pola tarde haberá actividades para a rapazada, con xogos e inchábeis no Campo do Prado, en Aguieira, a partir das 17.30 horas. Unha hora máis tarde, ás 18.30 horas, dará comezo o tradicional partido de solteiros contra casados no Campo do Prado.
Pola noite haberá verbena ás 23.00 horas co Dúo Aires de Broña, Planet Disco Móbil e Mateo Abelleira.
O venres a misa solemne das 12.00 estará amenizada polo Grupo de Pandereteiras Falcoeira,. Na sesión vermú actuará a Orquestra Puzzle, a partir das 13.30 horas, que volverán actuar pola noite a partir das 22.30 horas.
