Os bombeiros do parque Comarcal Provincial de Boiro foron alertados pasadas as 23:30 horas deste domingo 4 de agosto dun incendio que afectou a unha escola unitaria que se atopa en estado de abandono no lugar de Escarís, pertencente á parroquia de Lampón, no concello de Boiro.
O lume orixinouse en varios puntos da planta baixa do inmóbeis, en móbeis e roupa alí almacenados. O operativo consistiu na extinción das lapas e na comprobación da correcta ventilación do edificio.
Nel participaron tamén a Garda Civil de Boiro e Protección Civil de Boiro.
