Este domingo vaise celebrar a primeira edición da Travesía Costa Portosín, na que participarán máis de 160 nadadores e nadadoras tomando a saída nas dúas distancias establecidas (1.500 ou 3.000 m) dende a praia de Coira.
Quen precise máis información sobre a proba tena na web da travesía.
Trátase dun acontecemento deportivo de natación en augas abertas que levaba un tempo sen disputarse e que nesta edición de regreso está a ter un gran recibimento entre os deportistas galegos e do resto de España. Ademais, consolidouse como a proba do circuíto galego de natación en augas abertas que ten máis presenza de nadadoras: o 30%.
A cita forma parte do circuíto galego Travesía Costa Duacode (o maior circuíto de natación en augas abertas de Galicia), que tivo sesións previas na Coruña, Oleiros, Fisterra e Malpica e rematará o vindeiro 7 de setembro no Ézaro, no concello de Dumbría.
Programa
09.30 – 10.30 Entrega de dorsais Travesía Longa 3000 m
10.30 – 11.30 Entrega de dorsais Travesía Curta 1500 m
10.50 Briefing da travesía longa na liña de saída
11.00 Saída desde a Praia de Coira, Travesía Longa 3000 m
11.40 Chegada do primeiro clasificado Travesía Longa
11.45 Avituallamento final carreira
11.50 Briefing da travesía curta na liña de saída
12.00 Saída desde a Praia de Coira, Travesía Curta 1500 m
12.25 Chegada do primeiro clasificado Travesía Curta
13.30 – 14.00 Entrega de trofeos.
