Esta fin de semana (a segunda do mes de agosto) vén cargadiña de celebracións, algunha delas de forte tradición e moi enraizada na nosa comarca, como por exemplo a Romaría de Neixón (Cespón’24) que chega á súa 43ª edición e comeza este venres 9 de agosto coa sexta edición do VI Serán Tradicional, a partir das 21.00 horas, cunha manchea de actuacións de grupos de baile e música tradicional da comarca do Barbanza e de toda Galicia, incluíndo tamén sorteos, degustacións de callos e rosca e, ao rematar, unha foliada libre.
Ao día seguinte (sábado 10) haberá verbena nocturna a partir das 21.30 horas con Duo Platino, a Orquestra Bamboleo e máis a Chocolate Disco Móbil.
As festas rematarán o domingo 11 cunha gran sardiñada e un xantar campestre ao mediodía. Previamente haberá unha procesión por Quinteiro e Nine até Neixón (ás 11.45) e unha misa na honra da Virxe do Carme e San Xosé (ás 13 horas, cantada polo Coro San Vicente de Cespón). Tamén haberá bailes rexionais (a cargo de Abeloura) e música de gaitas (con Os Pequenos de Barbanza, Trécola e Río de Anxo). A partir das 19.30 actuará o Dúo Rumbo Norte e darase paso a máis sorteos.
A Romaría vén de man das veciños de Neixón (Cespón) e conta coa colaboración do Concello.
Haberá zona de acampada gratuíta.
