O Concello de Ribeira informou da adxudicación dos traballos para dotar de enerxías renovábeis e meirande eficiencia enerxética o Mercado Municipal de Ribeira. O obxectivo é contribuír reducir os gastos enerxéticos e a pegada de carbono do municipio, neste caso concreto nunha das infraestruturas que concentra unha gran actividade comercial e que constitúe tamén un punto de atracción de visitantes, como é o Mercado Municipal de Ribeira.
O Concello engade que a actuación contempla a instalación enerxía fotovoltaica sobre as cubertas da azotea do mercado destinada á xeración eléctrica renovábek en réxime de autoconsumo con compensación de excedentes sobre os servizos xerais do edificio. En concreto estímase
a implantación dun campo solar formado por un máximo 28 paneis de 450 Wp, cunha
potencia pico de xeración de 12,6 kWp e a substitución do sistema de iluminación por
tecnoloxía máis eficiente como é a iluminación LED.
Amais, desbotaranse as luminarias interiores existentes e habilitaranse sistemas de iluminación LED de alto rendemento, co obxectivo de “mellorar significativamente a eficiencia enerxética
no edificio”.
Segundo explicou o rexedor Luís Pérez Barral, “este proxecto non implica alteracións na estrutura do edificio nin na súa fachada, senón que se centra na actualización das luminarias interiores para lograr un uso máis eficiente da enerxía” .
Proxéctase a instalación de paneis fotovoltaicos de 600 W de potencia nominal, monocristalino, que destaca pola súa calidade e elevada eficiencia superando o 23%. garantía de produto de 15 anos e unha garantía de potencia de ata 30 anos asegurando unha potencia superior ao 88%.
