Na mañá de hoxe, na sede da patronal de Boiro, tivo lugar a entrega de premios da campaña de verán.
En total entregáronse 1.000 € en Bonos ABE repartidos en 2 x250, 2×150 e 2x 100 euros, ás persoas gañadoras dos sorteos das quincenas fantásticas.
O presidente, Daniel García, foi o encargado de entregar os premios e quixo por unha parte “agradecer a alta participación dos clientes na campaña que se batiron todos os recods” e por outra “a confianza dos premiados no comercio de Boiro para facer as súas compras”
Datos da campaña
Os 1.699 rexistros da primeira quincena supoñen un récord da campaña respecto do mesmo período do ano pasado superando os 670 da edición de 2021, os 1.015 da edición de 2022 e os 1.581 da de 2023 que ata o momento tiña o récord do período.
Os 1.889 rexistros da segunda quincena é o récord absoluto de todas as quincenas dende que comezou a campaña superando os 515 da edición de 2021, os 1.169 da edición de 2022 e os 1.525 da de 2023.
Persoas gañadoras
| PREMIO | PREMIADA | NEGOCIO ONDE MERCOU |
| 250 € | ZULEIKA PARADA | A PANOLETA |
| 150 € | MARIBEL | PANADERÍA LA ESPIGA |
| 100 € | CARMEN GÓMEZ | CAFÉ BAR LA ATLÁNTICA |
| 250 € | ALEJANDRO OZORES | BALDANI CONCEPT STORE |
| 150 € | OXANA SUKHORUKOVA | LOLITA MODA |
| 100 € | ANA ISABEL ROMERO | FRUTAS REYJOSA |
As persoas premiadas forman parte dos 3.239 usuarios activos na web de fidelización da ABE, que ademais de participar en sorteos como este, acumulan puntos con cada compra para cambiar por agasallos do catálogo,
Para finalizar o presidente quixo agradecer “aos clientes que rexistraron tíckets nesta campaña tanto a súa participación como os seu compromiso cos negocios locais de Boiro” e recordou que “os premios en Bonos ABE poden utilizarse, sen caducidade, en calquera dos 207 negocios asociados, aos que aproveitamos para agradecer e dar a noraboa pola súa colaboración e compromiso nas labores de información e difusión sa campaña que foron fundamentais para acadar estes espectaculares resultados”.
