O programa FalaRedes da Secretaría Xeral da Lingua vai levar a Ribeira o vindeiro 15 de setembro ao dúo formado por Carlos Crespo e Kris K DJ. Será na praza da Porto do Sol, a partir das 13.30 horas.
Carlos Crespo é xornalista musical cunha traxectoria de mais de 25 anos dende diversos medios de comunicación. Leva máis de 20 anos exercendo como DJ, 12 eles na Duendeneta. Foi responsábel das sesións divulgativas Os camiños da música galegae tamén o creador do podcast musical Os Plans de Códax.
Kris K DJ é DJ residente da Duendeneta. Ten pinchado en festivais como Portamerica, Caudal Fest, Atlantic fest, Surfing the Lerez… Acompañou a Bonnie Tyler no seu concerto en Santiago en 2021. É a única DJ en Galicia que fai as súas sesións 100% en galego e 100% en feminino.
A propósito da súa xira con FalaRedes (que recala en setembro en Ribeira) a Secretaría da Lingua lembra que “a música feita en Galicia e en galego está vivindo un momento de excepcional esplendor creativo e de receptividade por parte do público, especialmente da mocidade” e que o obxectivo destas sesións é dar a coñecer e celebrar dun xeito ameno e festivo -ao mesmo tempo que a xente baila e se divirte- os principais expoñentes da actual música galega nos seus máis diversos estilos (pop, rock, rap, tradicional, electrónica…), así como aos grupos e artistas que os precederon nas últimas décadas e que foron abrindo camiño, posibilitando chegar ao status actual.
