Boiro recibe unha subvención de 45.000 euros para mellora do bombeo e minimizar as perdas de auga

22 Agosto 2024


O Concello de Boiro recibe de Augas de Galicia unha subvención por importe de 45.000 euros para a mellora de bombeo da auga potable no lugar de Brazos e minimizar perdas de auga. O proxecto que se vai levar a
cabo ascende aos 81.685 euros e as actuacións atópanse xa en fase de licitación.
O obxectivo desta liña de subvencións é axudar ás entidades locais a executar obras para minimizar as perdas de auga no sistema de abastecemento municipal, contribuíndo así aos obxectivos medioambientais. As actuacións que se pretenden levar a cabo consisten na instalación dunhas bombas coa potencia necesaria para o bombeo dende a estación ata a depuradora de auga potable.
Tal e como se recolle na auditoría realizada polo Concello de Boiro encamiñada á elaboración dun Plan de Actuacións para Minimizar as Perdas de Auga, na actualidade a instalación da captación de Brazos está
obsoleta, con bombas en mal estado con máis de 30 anos. O sistema de impulsión carece de variadores de frecuencia que permitan regular os volumes impulsados, o que producen un elevado consumo eléctrico e
numerosas avarías. O importe total da licitación ascende aos 81.685,68 euros e as empresas interesadas en formar parte do proceso poden presentar xa as súas ofertas mediante a Plataforma de Contratación do Sector Público ata o vindeiro 9 de setembro.

Outros artigos

O PSOE de Ribeira acusa ao Executivo local de “falta de propostas”

O PSOE de Ribeira tamén fixo balance do ano de Goberno do PP e PBBI logo da moción de censura consumada en outubro do ano pasado. No seu balance afirmou que a alcaldesa, coincidindo co primeiro aniversario da moción de censura, "segue sen ofrecer solucións á fronte da...

+

Publicidade

Revista en papel

Opinión

“Cuando la huelga cambia de destinatario”. José Castro López

“Cuando la huelga cambia de destinatario”. José Castro López

Vaya por delante que la huelga es una conquista consagrada que tienen los trabajadorespara reivindicar y defender sus derechos. De hecho, en lo que llevamos de democraciatodas las huelgas generales se convocaron por razones laborales contra las políticas delGobierno...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.