Este domingo 4 de agosto, a partir das doce do mediodía, o porto de Aguiño será o escenario da oitava edición da Festa dá Navalla. Este evento, que se recuperou o ano pasado tras oito de ausencia, é organizado pola comisión de festas da parroquia e a asociación cultural O Serriño, co apoio da Confraría de Pescadores de Carreira e Aguiño e o Concello de Ribeira, que contribúe cunha achega de 4.000 euros.
O concelleiro de Mar de Ribeira, Fernando Abraldes, destacou que se prepararán e servirán uns 500 quilos de navallas á prancha, en racións de 12 a 14 unidades, cada unha a un prezo de 15 euros. As navallas proveñen das praias de Castro-Catía e A Rabuda e teñen unha “calidade espectacular”. Ademais, haberá racións de empanadas de atún e de carne, que se venderán a 5 euros cada unha.
Raúl Santos, presidente da comisión organizadora, explicou que a festa non só busca promocionar o produto, senón tamén dinamizar a economía local. Ademais das entidades organizadoras, o evento conta coa colaboración do municipio, a confraría e a agrupación de mariscadores de Aguiño, así como o apoio de numerosas empresas.
