O Concello de Rianxo informou de que o municipio xa conta desde hai uns días, este verán, cunha brigada de defensa contra incendios forestais. A posta en marcha deste equipo humano, técnico e tecnolóxico, de crucial importancia tendo en conta os precedentes do concello (que foi présa, hai uns anos, dun dos máis voraces lumes forestais de cantos foron rexistrados na xeografía galega), foi posíbel grazas a un convenio de colaboración subscrito entre a Consellería do Medio Rural e o Concello de Rianxo a brigada estará operativa durante tres meses. Está composta por cinco membros que desenvolverán labores de vixilancia e defensa contra os incendios, así coma a realización de traballos de prevención de forma manual, integrándose no dispositivo de emerxencias do Distrito Forestal IV.
