Na mencida do 24 de abril de 2017, tres mariñeiros de Poio perderon a vida nun accidente protagonizado pola embarcación de baixura Nuevo Marco.
Foi na ría de Pontevedra, e sete anos máis tarde -coma se ocorrese onte- a Xunta informa que comeza a adopción de medidas tendentes a corrixir un grave desaxuste de seguridade para a navegación nas rías galegas que afecta diretamente á frota de baixura desta comunidade autónoma.
As medidas anunciadas dan a entender que, finalmente, se vai proceder a iluminar todas e cada unha das bateas fondeadas en importante número nas augas desas rías, en maior número nas de Arousa e Vigo.
Un proceso este que, como medida preservativa, abre agora o goberno galego: sete anos dempois do acontecido e do que a asociación de titulados náutico-pesqueiros, AETINAPE, ás poucas horas de se ter rexistrado a traxedia, reclamaba unha fonda anàlise da Comisión de Accidentes e Incidentes Marítimos (CIAIM) que determinara as circunstancias que rodearon este “fatal triplo desenlace”, sorprendente “por se ter producido tan perto da costa”.
Entendía daquela AETINAPE que a CIAIM debería estudar , entre outras liñas de investigación, a posible implantación dunha medida preventiva “tan básica” como é a sinalización lumínica de cada batea, por canto, con independencia de cal poidera ter sido a causa real do accidente, “existe un perigo potencial que compre aminorar”.
Sinalaban tamén os titulados náutico-pesqueiros a existenza nas rías de artefactos flotantes -plataformas petrolíferas, boias, zonas de perigo, etc.- entre as que figuran as bateas mexilloeiras. Estas, sendo unha enorme fonte de riqueza litoral, engadía AETINAPE, cuxa capacidade está fóra de toda dúbida, aparecen referenciadas en cartas mariñas, ocupando o lugar exacto asignado en función da súa concesión , estando ubicadas concretamente reguladas pola normativa vixente.
Son máis de 3.000 as bateas existente no litoral galego , das que máis do 95% están nas Rías Baixas. Constitúen un obstáculo “invisible” nas noites escuras para as máis de 3,.000 embarcacións de baixura (o 70% delas a faenar nas Rías Biaxas) que, tecnolóxicamente, son naves moi básicas que non disponen de máis elementos de observación alleos á capacidade visual dos propios profesionais ou a intución e experiencia a bordo.
Polo tanto, argumenta AETINAPE. a sijnalización lumínica sería unha medida básica de seguridade preventiva, tal e como son de todas as altas torres para a seguridade aérea ou os sinais reflectantes para a seguridade viaria.
“Tarde, mal e arrastro” a Xunta tenta paliar a desgracia rexistrada vai sete anos, cando a respostas “debeu darse en primeira instancia, nada máis rexistrada. Coma sempre, a remolque da sociedade civil”. Iluminar as bateas non é problemático. Abonda con querer facelo.
