Baroña celebra estes días os populares e tradicionais festexos da Festa do Carme. Comezaron este domingo 14 de xullo (o día adicado a San Antón, cunha misa solemne amenizada con coro e gaiteiros e, posteriormente, unha gran sardiñada da marca Azul de Portosín) e prolónganse até mañá martes 16.
Este luns 15, día de San Roque, celebrarase ás 13 horas unha misa solemne na honra do santo, amenizada con coro e gaiteiros e posterior saída en procesión.
O martes 16, día da Virxe do Carme, haberá unha misa solemne ás 13 horas na honra da Virxe, amenizada con coro e gaiteiros e posterior saída en procesión.
Organiza a Comunidade de Montes de Baroña en colaboración co Concello e co apoio de Azul de Portosín.
