O Concello da Pobra avanza en patrimonio coa prospección arqueolóxica da Corte do Santo

10 Xullo 2024

Despois da adquisición da Casa da Cadea a comezos de ano, o Concello da Pobra do Caramiñal dá un paso máis en materia patrimonial co inicio da escavación do xacemento da Corte do Santo; uns traballos que se levarán a cabo en coordinación coa Universidade de Santiago de Compostela (USC). Esta prospección arqueolóxica comezará no 15 de xullo e estenderase durante 5 días. A hipótese é a existencia dun posible eremitorio que podería datar entre finais da Alta Idade Media e a Plena Idade Media, nunha das zonas máis altas da serra do Barbanza, á beira do río Pedras. Esta é a idea da que parte o equipo arqueolóxico conformado polo Laboratorio de Arqueoloxía Medieval da USC.

A dirección correrá a cargo do investigador Mario Ramos Soriano (USC), en colaboración coa empresa Tempos Arqueólogos e co financiamento tanto do Concello da Pobra do Caramiñal como do proxecto ECOLOC dirixido polo profesor da universidade compostelá, José Carlos Sánchez Pardo, con fondos do Ministerio de Ciencia, Innovación y Universidades.

O rexedor e titular da Concellaría do Patrimonio, José Carlos Vidal, incide na importancia que ten esta acción non só para a localidade, senón para toda a comarca do Barbanza. “De probarse a hipótese, estariamos máis preto de demostrar a relevancia que tivo o río Pedras no plano espiritual durante a Idade Media. E uniríase ao de San Xoán da Misarela, polo que nos serviría de aliciente para seguir investigando ao longo de todo o curso do río”. E engade: “Queremos poñer en valor o noso patrimonio material e inmaterial e que a nosa veciñanza coñeza a súa historia”. Por iso, ao longo das xornadas de intervención, toda persoa interesada pode visitar A Corte do Santo. Isto será entre os días 15 e 19 de xullo, dende as 10.00 ata as 14.00 horas. Haberá, ademais, unha visita guiada no xoves 18, ás 18.00 horas. Non se require inscrición previa e o punto de encontro será o propio lugar.

“As estratexias de control e explotación do territorio seguidas polos poderes eclesiásticos no período comprendido entre o final da Alta Idade Media e a Plena Idade Media fannos pensar que a súa implantación deixou unha pegada recoñecíbel a nivel arqueolóxico. Así, o seu poder mantería unha relación dialéctica moi interesante de estudar con respecto a outros poderes que operaron na zona, as paisaxes da contorna e con respecto ás clases sociais menos podentes, como o campesiñado”, afirma o investigador Mario Ramos.

Os obxectivos a acadar con esta intervención son os de tentar esclarecer o tipo de xacemento, conseguir datacións absolutas para definir a secuencia cronolóxica da Corte do Santo e comezar o proceso para definir unha estratexia cara a posta en valor deste ben patrimonial. En relación a isto último, está prevista a referida visita guiada, ademais da comunicación dos resultados da campaña nunha nova edición das xornadas de divulgación histórica e patrimonial A Pobra do Caramiñal no Tempo, que se celebrará a finais do mes de setembro.

Outros artigos

A Pobra prepárase para pedalear no 14 de xullo coa Festa da Bici

A trixésimo segunda edición da Festa da Bici da Pobra do Caramiñal convida a pedalear con fin solidario no 14 de xullo. Esta cita que reúne deporte e solidariedade arrancará ás 11.00 horas na praza Alcalde Segundo Durán; espazo que tamén se establece como meta....

+

Este venres comezan as Festas da Virxe do Carme de Rianxo

Este venres 12 de xullo comezan as Festas da Virxe Do Carme de Rianxo, que ofrecen a residentes e visitantes cinco completas xornadas de celebracións festivas con todo tipo de actividades. A axenda comeza este venres co festival RianClown a partir das 20.30 horas e co...

+

Publicidade

Revista en papel

Opinión

“Cuando el payaso llora” – Manuel Domínguez

“Cuando el payaso llora” – Manuel Domínguez

Cuando el Payaso llora. A punto de salir a pista, tras las cortinas, los últimos minutos, la tele habla de los niños asesinados en Gaza, el bombardeo cruento del Hospital en Ucrania, tanta muerte inocente. Al payaso le cae una lagrima, recorre su mejilla dejando...

“Igualdade e dignidade”. Luís Celeiro

“Igualdade e dignidade”. Luís Celeiro

A moitos dos que andan polas alturas da función ou da acción política gústalles falar dorespecto á vontade popular, á que a mesma Constitución de 1978 alude no seu Preámbulo,cando fala de “consolidar un Estado de Dereito que asegure o imperio da lei como expresiónda...