O Concello de Porto do Son impulsou nesta recta final de xuño novos traballo de arranxo e mantemento de infraestruturas, monumentos e espazos de lecer nas parroquias e nos núcleos tradicionais, traballos dos que foi dando conta puntualmente nas redes sociais.
As obras puxeron o foco en mellorar a accesibilidade e a seguridade, e tamén na recuperación ambiental e paisaxística. Na listaxe de traballos desenvolvidos destaca por exemplo a limpeza levada a cabo na capela de San Benito de Seráns e da fonte do lugar, con vistas a preparar o terreo de cara a celebración da romaría de San Benito este mes de xullo (data por confirmar). Ademais, limpáronse os camiños do Fieiro (Miñortos) e acondicionáronse os accesos en San Pedro e Baroña (Igrexa e Abuín). Tamén se puxo a punto a pista de tenis de Trapa, en Goiáns.
Limpeza da Capela de San Benito de Seráns e da fonte
Limpeza do camiño do Fieiro, en Miñortos
Acondicionamento de accesos na parroquia de San Pedro
Acondicionamento da pista de tenis de Trapa, en Goiáns
Acondicionamento de accesos e camiños nos núcleos da Igrexa e Abuín, en Baroña
